Translate

Wednesday, June 19, 2013

PER GJYSHEN TIME







Gjyshja ime
në kokë mbante një shami të bardhë;
nen to,
flokët e thinjur dhe vitet  e saj.


Gjyshja ime fliste rrallë,
por fjalët ia desha,
si rrudhat në ballë.

Ia desha vitet dhe më shumë:
nëpër ta shkruar e kaluara e saj
dhe prejardhja ime e thjeshtë.
  
Gjyshja ime
nën rroba të zeza
fshihte një zemër të bardhë.


Kur engjëjt e morën,
në dekadën e nëntë,
asgjë nuk mori me vete:
Na i la
fjalën,
zemrën
dhe shaminë e bardhë.


No comments:

Post a Comment